एक दिवस मला बैठक मारायची आहे,
थेट काळजाला भिडणारी एक गझल लिहायची आहे !

आधी शब्दच सुचले नव्हते कधी मला,
आता वाक्यांना वाट मोकळी करायची आहे !

गझलेत दर्द आणणारे घाव सोसले नव्हते कधी,
आता मनाच्या फुग्याला फक्त एक सुई टोचायची आहे !

असंख्य पुस्तके पडली आहेत समोर,
तरी स्वतःच्या वेगळेपणाची स्वतःलाच खात्री द्यायची आहे !

जन्मात गाण्याचा यत्नही केला नाही,
आता ही माझीच ओळ खुशीत आळवायची आहे….

थेट काळजाला भिडणारी एक गझल लिहायची आहे !

नितीन.

निःशब्द प्रवास खूप झाला,
अश्रूंनी गाठलेली मजल लिहायची आहे….
युगायुगांचे मौन सोडून
थेट काळजाला भिडणारी गझल लिहायची आहे!!

अपूर्व.